Search This Blog

Monday, 19 August 2019

इस्रोचे प्रमुख के. सिवन यांना 'डॉ. एपीजे अब्दुल कलाम पुरस्कार'

विज्ञान आणि तंत्रज्ञान क्षेत्रात दिलेल्या भरीव योगदानामुळे भारतीय अंतराळ संशोधन संस्थेचे प्रमुख डॉ. के सिवन यांना तमिळनाडू सरकारने 'डॉ. एपीजे अब्दुल कलाम पुरस्काराने' सन्मानित केले. प्रशस्तिपत्रात त्यांचा "रॉकेट मॅन" म्हणून उल्लेख केला आहे.

के. सिवन
  • के. सिवन हे तामिळनाडूमधील कन्याकुमारी जिल्ह्यातील आहे.
  • 1980 मध्ये त्यांनी मद्रास इन्स्टिट्यूट ऑफ टेक्नॉलॉजीमधून पदवी प्राप्त केली.बंगळुरूच्या भारतीय विज्ञान संस्थानातून त्यांनी पदव्युत्तर पदवी घेतली. त्यानंतर ते इस्रोमध्ये दाखल झाले.
  • त्यांनी विक्रम साराभाई स्पेस सेंटर आणि लिक्विड प्रोपल्शन सेंटरचे संचालक म्हणून काम पाहिले आहे.तसेच त्यांनी इस्रोच्या प्रक्षेपण वाहनाच्या डिझाईन आणि विकासात काम केले आहे. 
  • त्यांच्या नेतृत्वात, जीएसएलव्हीने स्वदेशी क्रायोजेनिक इंजिनसह उड्डाण केले. त्यांच्या कार्यकाळातच चंद्रयान -2 अभियान सुरू केले.
  • 1999 मध्ये त्यांना डॉ. विक्रम साराभाई संशोधन पुरस्काराने सन्मानित करण्यात आले.
डॉ एपीजे अब्दुल कलाम पुरस्कार
  • 2015 मध्ये डॉ अब्दुल कलाम यांच्या निधनानंतर तमिळनाडूचे तत्कालीन मुख्यमंत्री जे. डॉ. कलाम यांच्या सन्मानार्थ जयललिता यांनी पुरस्कार जाहीर केला. 
  • तामिळनाडू सरकारच्यावतीने तामिळनाडूच्या रहिवासी असणाऱ्या व्यक्तींनाच हा पुरस्कार प्रदान करण्यात येतो.
  • विज्ञान क्षेत्रातील प्रगती, तसेच मानवी आणि विद्यार्थ्यांच्या कल्याणासाठी कार्यरत असणाऱ्या व्यक्तींना 'डॉ. एपीजे अब्दुल कलाम पुरस्कारा'ने गौरवण्यात येते. 
  • या पुरस्कार विजेत्यास 8 ग्रॅम सुवर्ण पदक, पाच लाख रुपये आणि प्रशस्तीपत्र देऊन गौरविण्यात येते. 
  • सर्वप्रथम हा पुरस्कार इस्रो वैज्ञानिक एन.के. वलारमती यांना 2015 मध्ये देण्यात आला होता.
स्रोत: दै.लोकसत्ता ,द हिंदू , द टाइम्स ऑफ इंडिया, दै.जागरण.

0 comments:

Post a comment

आपले अभिप्राय आमच्या साठी नक्कीच महत्वाचे आहेत ....
टीम स्पर्धावाहिनी