Search This Blog

Tuesday, 24 April 2018

नेमबाजी विश्वचषक – भारताच्या शाहजार रिझवीला रौप्यपदक

दक्षिण कोरियाच्या चँगवोन शहरात सुरु असलेल्या नेमबाजी विश्वचषक स्पर्धेत भारताच्या शाहजार रिझवीने रौप्य पदकाची कमाई केलेली आहे. १० मी. एअर पिस्तुल प्रकारात रिझवीने २३९.८ गुणांची कमाई करत रौप्यपदकावर मोहर उमटवली. रशियन प्रतिस्पर्ध्याने शाहजार रिझवीवर ०.२ गुणांनी मात करत सुवर्णपदाकवर आपलं नाव कोरलं. सुरुवातीच्या फेऱ्यांमध्ये रशियाचा आर्टेम चेर्नेसोव आणि भारताच्या शाहजारमध्ये अटीतटीची लढत सुरु होती. मात्र पहिल्या दहा संधींनंतर रिझवीने केलेल्या एका चुकीचा फायदा घेत आर्टेमने सामन्यात आघाडी घेत अंतिम संधीपर्यंत आपलं पहिलं स्थान कायम राखलं.

बल्गेरियाचा ऑलिम्पीयन सॅम्युअल डोनोकोव्हला २१७.१ गुणांसह कांस्य पदकावर समाधान मानावं लागलं. दक्षिण कोरियात सुरु असलेल्या या स्पर्धेत तब्बल ७० देशांच्या ८०० खेळाडूंनी सहभाग घेतलेला आहे. त्यामुळे शाहजारने केलेल्या कामगिरीचं देशभरात सर्व स्तरातून कौतुक केलं जात आहे.

0 comments:

Post a Comment

आपले अभिप्राय आमच्या साठी नक्कीच महत्वाचे आहेत ....
टीम स्पर्धावाहिनी