A large repository of knowledge...

विविध नोट्स, पुस्तके, मासिके, शासकीय योजना, चालू घडामोडी अशा सर्व परीक्षाभिमुख साहित्याचे भांडार ....

YouTube Channel...

विषयवार व्हिडीओ लेक्चर्स साठी सबस्क्राइब करा आमचे यु ट्यूब चॅनेलं ...

A large repository of questions...

विविध प्रश्नमंजुषा, आयोगाचे पेपर्स, टेस्ट सिरीज पेपर्स, अशा सर्व परीक्षाभिमुख साहित्याचे भांडार...

Telegram Channel...

प्रत्येक घडामोडींच्या तत्काळ माहितीसाठी जॉईन करा आमचे टेलिग्राम चॅनेल ...

Facebook Page...

प्रत्येक घडामोडींच्या तत्काळ माहितीसाठी लाईक करा आमचे फेसबुक पेज ...

Search This Blog

Saturday, 9 June 2018

Current Diary May 2018

आज स्पर्धावाहिनी Current Diary’ या मासिकाचा पहिला अंक आपल्या हातात देताना नक्कीच खूप आनंद होत आहे. गेल्या अनेक दिवसांपासूनची विद्यार्थ्यांची मागणी आज या मासिकाच्या पहिल्या अंकाच्या रूपाने प्रत्यक्षात येत आहे. 

आम्ही आज स्पर्धावाहिनी Current Diary’ हे विनामूल्य ई मासिक सुरु करत आहोत. दररोजच्या सर्व महत्वाच्या घडामोडींचे परीक्षाभिमुख विश्लेषण व आकर्षक मांडणीच्या माध्यमातूनचालू घडामोडीहा घटक अधिक सोपा करण्याचा प्रयत्न या मासिकात केला आहे. आपल्याला तो नक्कीच आवडेल यात शंका नाही.

या मासिकाविषयीच्या तुमच्या प्रतिक्रिया आम्हाला खालील मेल वर किंवा टेलिग्रामवर जरूर कळवा, आपल्या प्रतिक्रिया आमच्या पुढील कार्यासाठी नक्कीच मार्गदर्शक असतील.....
Email: spardhavahini@gmail.com
 

हे मासिक आपल्या सर्व मित्रांना forward करावे हि विनंती. . .
अधिक माहितीसाठी तुम्ही आमचे टेलिग्राम चॅनेल जॉईन करू शकता : t.me/spardhavahini 

धन्यवाद
टीम स्पर्धावाहिनी

 

https://drive.google.com/file/d/1fBRMIjG_323EXcNchwtig2e1hQxi9HFZ/view?usp=sharing

 

Monday, 30 April 2018

जम्मू काश्मीरचे उपमुख्यमंत्री निर्मल सिंह यांचा राजीनामा

जम्मू-काश्मीरचे उपमुख्यमंत्री निर्मल सिंह यांनी रविवारी रात्री आपल्या पदाचा राजीनामा दिला. त्यांच्या जागी कविंदर गुप्ता हे आता उपमुख्यमंत्री असतील. गुप्ता सध्या जम्मू-काश्मीर विधानसभेचे अध्यक्ष आहेत. दरम्यान, आज (सोमवार) मेहबुबा मुफ्ती मंत्रिमंडळात फेरबदल करणार आहेत. या फेरबदलात भाजपाकडून काही नवीन चेहरे दिले जाण्याची शक्यता आहे. राज्यपाल एन.एन.व्होरा आज दुपारी १२ वाजता मंत्रिमंडळातील नवीन सदस्यांना पद आणि गोपनियतेची शपथ देतील.
[संदर्भ : लोकसत्ता ]
अधिक Study Material साठी आजच आमचे टेलिग्राम चॅनेल जॉईन करा » t.me/spardhavahini

स्वच्छ भारत कार्यक्रमाअंतर्गत उन्हाळी आंतरवासियता योजना

मन की बात कार्यक्रमात घोषणा
स्वच्छ भारत कार्यक्रमाअंतर्गत १ मे ते ३१ जुलै दरम्यान विशेष उन्हाळी आंतरवासीयता योजना राबवण्यात येईल यात चांगले काम करणाऱ्या विद्यार्थ्यांना पुरस्काराने गौरवण्यात येईल शिवाय विद्यापीठ अनुदान आयोगाकडून श्रेयांकही दिले जातील अशी घोषणा पंतप्रधान नरेंद्र मोदी यांनी ‘मन की बात’ कार्यक्रमात केली.
त्यांनी सांगितले की, शिक्षण, क्रीडा व जल मंत्रालयाने आंतरवासीयता कार्यक्रमाची आखणी केली असून एनसीसी, एनएसएस मधील तरुण, नेहरू युवा केंद्राचे विद्यार्थी व महाविद्यालयीन विद्यार्थी यांनी यात भाग घ्यावा. शिक्षण मंत्रालयाने स्वच्छ भारत उन्हाळी आंतरवासीयता कार्यक्रम २०१८ साठी पात्र विद्यार्थ्यांकडून अर्ज मागवले आहेत. महाविद्यालय व विद्यापीठ पातळीवर चांगले काम करणाऱ्यांना राष्ट्रीय पातळीवर पुरस्कार दिले जातील. हा आंतरवासीयता कार्यक्रम म्हणजे महात्मा गांधी यांना त्यांच्या दीडशेव्या जयंतीपूर्वीच मोठी श्रद्धांजली ठरेल. या योजनेत विद्यार्थी एक किंवा अनेक खेडी दत्तक घेऊन ग्रामीण भागात स्वच्छतेचे कार्यक्रम करू शकतील. १ मे ते ३१ जुलै दरम्यान संबंधित मुलांनी १०० तासांचे काम करायचे आहे. त्याचे आयोजन महाविद्यालये व विद्यापीठांनी करणे अपेक्षित आहे. विद्यापीठ अनुदान आयोगाकडून विद्यार्थ्यांना या कामासाठी श्रेयांकही बहाल केले जातील. जलसंवर्धनाच्या कामात प्रत्येक भारतीयाने योगदान दिले पाहिजे असे आवाहन त्यांनी केले. पारंपरिक जलसंवर्धन पद्धतींवर भर देण्याची गरज प्रतिपादन करताना त्यांनी सांगितले की, मनरेगाअंतर्गत जलसंवर्धनासाठी कामे करण्यात आली त्याशिवाय सरासरी ३२ हजार कोटी रुपये खर्च करण्यात आले. रमझान व बौद्ध पौर्णिमेच्या शुभेच्छा देतानाच त्यांनी राष्ट्रकुल स्पर्धेतील पदक विजेत्यांचे कौतुक केले.


तंदुरुस्त भारत

मोदी यांनी सांगितले की, तंदुरुस्त भारत योजनेला चांगला प्रतिसाद मिळत आहे. अनेक लोकांनी फिटनेस मंत्रा- फिट इंडिया अंतर्गत त्यांच्या कहाण्या समाजमाध्यमातून मांडल्या आहेत. यातील व्हॉलीबॉल व लाकडी वस्तूंच्या मदतीने व्यायामाच्या व्हिडिओ अक्षय कुमारने शेअर केल्या आहेत. त्यामुळे युवकांना प्रोत्साहन मिळेल. योग ही भारतात फिट इंडिया चळवळ व्हावी कारण त्यासाठी फार पैसा लागत नाही अशी अपेक्षा त्यांनी व्यक्त केली.


गुड न्यूज इंडिया

डीडीन्यूज लाइव्हवर गुड न्यूज इंडिया हा कार्यक्रम आहे त्याचा उल्लेख करून मोदी यांनी सांगितले की, सामाजिक स्थित्यंतर होत आहे दिल्लीतील एका युवकाने रस्त्यावरील मुले व झोपडपट्टीवासीयांना शिकवण्याचे काम हाती घेतले आहे. बागेश्वर येथील शेतकरी मांडवा, चौलाई, मका, बार्ली यासारखी पिके पर्वतीय भागात घेतात, पण त्यांना दर मिळत नव्हता आता त्यांनी त्यापासून बिस्किटे तयार केली आहेत व त्यांची शेती तोटय़ातून नफ्यात येत आहे.


अणुचाचण्यांना वीस वर्षे पूर्ण

माजी पंतप्रधान अटलबिहारी वाजपेयी पंतप्रधान असताना बौद्ध पौर्णिमेला ११ मे १९९८ रोजी अणुचाचण्या करण्यात आल्या. त्यात आपल्या वैज्ञानिक व खंबीर नेत्यांनी एक उंची दाखवून दिली. जय जवान, जय किसान, जय विज्ञान असा मंत्र वाजपेयी यांनी दिला होता. आता अणुचाचणीला यावेळी वीस वर्षे होत आहेत. अटलजींच्या त्या मंत्राने आधुनिक, शक्तीमान व स्वयंपूर्ण भारताची निर्मिती केली आहे.
[संदर्भ : लोकसत्ता ]
अधिक Study Material साठी आजच आमचे टेलिग्राम चॅनेल जॉईन करा » t.me/spardhavahini

देशातील सर्व खेडय़ांमध्ये वीज पोहोचली असल्याचा दावा

देशातील सर्व खेडय़ांमध्ये वीज पोहोचली असल्याचा दावा पंतप्रधान नरेंद्र मोदी यांनी केला आहे. मोदी यांनी रविवारी खेडय़ांच्या विद्युतीकरणाबाबत अनेक ट्वीट केले. मणिपूरमधील लिसांग या खेडय़ात शनिवारी वीजपुरवठा सुरू झाला असून आता देशातील शेवटचे गावदेखील प्रकाशमान झाले आहे. २८ एप्रिल २०१८ हा देशासाठी ऐतिहासिक दिवस आहे. भाजपप्रणीत एनडीए सरकारने दिलेले सर्वात मोठे वचन पूर्ण केले, असे मोदी यांनी ट्वीटद्वारे म्हटले आहे.
केंद्र सरकारच्या वचनपूर्तीमुळे कित्येक भारतीयांचे आयुष्य कायमचे बदलून गेले आहे. लिसांगप्रमाणे इतर हजारो खेडी प्रकाशमान आणि सक्षमही (पॉवर्ड अ‍ॅण्ड एमपॉवर्ड) बनली आहेत, असे कौतुकोद्गार मोदी यांनी काढले आहेत. २०१५ च्या स्वातंत्र्यदिनी केलेल्या भाषणात मोदी यांनी एक हजार दिवसांत १८ हजार खेडय़ांत वीज पोहोचवण्याची ग्वाही दिली होती.
विजेसाठी आवश्यक पायाभूत सुविधा उपलब्ध असणे आणि गावातील किमान १० टक्के घरे तसेच सार्वजनिक ठिकाणांमध्ये (शाळा, स्थानिक प्रशासकीय कार्यालये, आरोग्य केंद्र वगैरे) वीजपुरवठा होत असेल तर त्या गावाचे विद्युतीकरण झाल्याचे मानले जाते.
[संदर्भ : लोकसत्ता ]
अधिक Study Material साठी आजच आमचे टेलिग्राम चॅनेल जॉईन करा » t.me/spardhavahini

भारत-पाकदरम्यान पहिल्यांदाच होणार युद्ध सराव; चीनसह अनेक देश होणार सहभागी

स्वातंत्र्यानंतर पहिल्यांदाच भारत आणि पाकिस्तान दरम्यान युद्ध सराव होणार आहे. रशियात सप्टेंबरमध्ये हा बहुराष्ट्रीय युद्ध सरावाचा कार्यक्रम होणार आहे. यामध्ये चीनसह अनेक देशही सहभागी होणार आहेत.
शांघाई सहकार्य संघटनेने (एससीओ) आखलेल्या कार्यक्रमानुसार, हा युद्ध सराव होणार आहे. सुरक्षा समुहाच्या या संस्थेवर चीनचे प्रभुत्व असून या संस्थेला आता नाटोची बरोबरी करणारी संस्था म्हणून ओळखण्यात येत आहे.
दहशतवादी कारवायांवर नियंत्रण मिळवण्याच्या उद्देशाने घेण्यात येणाऱ्या या युद्ध सरावात एससीओचे सदस्य देश सहभागी होणार आहेत. हा युद्ध सराव रशियाच्या उरल पर्वत क्षेत्रात होणार आहे. एससीओचे जवळपास सर्वच देश यात सहभागी होणार आहेत. या कार्यक्रमाच्या आयोजकांनी दिलेल्या माहितीनुसार, जगभरात शांतता नांदावी यासाठी घेण्यात येणाऱ्या या युद्ध सरावाचा मुख्य उद्देश एससीओच्या आठ सदस्य देशांमध्ये दहशतवादाशी मुकाबला करण्यासाठी सहकार्य वाढवणे हे आहे. अधिकाऱ्यांनी सांगितले की, गेल्या आठवड्यात बीजिंगमध्ये एससीओ सदस्य देशांच्या संरक्षणमंत्र्यांच्या बैठकीत भारताच्या संरक्षणमंत्री निर्मला सीतारामण यांनी या सरावात भारत सहभागी होणार असल्याचे सांगितले होते.
एससीओची स्थापना शांघाईमध्ये २००१ मध्ये झाली होती. रशिया, चीन, किर्गीज गणराज्य, कजाकिस्तान, ताजिकिस्तान आणि उजबेकिस्तान हे देश या संघटनेचे सदस्य आहेत. गेल्याच वर्षी भारत आणि पाकिस्तान या देशांना एससीओच्या स्थायी सदस्याच्या रुपात सहभागी करण्यात आले होते.
[संदर्भ : लोकसत्ता ]
अधिक Study Material साठी आजच आमचे टेलिग्राम चॅनेल जॉईन करा » t.me/spardhavahini

उद्घाटनापूर्वीच नेपाळमध्ये भारताने विकसित केलेल्या हायड्रोइलेक्ट्रिसिटी प्रकल्पात स्फोट

पूर्व नेपाळमध्ये भारताकडून विकसित करण्यात आलेल्या पाण्यापासून वीजनिर्मिती प्रकल्पाच्या (हायड्रोइलेक्ट्रिसिटी) कार्यालयात स्फोट झाल्याचे वृत्त आहे. पंतप्रधान नरेंद्र मोदी यांच्या हस्ते काही आठवड्यांनंतर या प्रकल्पाचे उद्घाटन होणार होते. मात्र, तत्पूर्वी ही घटना समोर आली आहे. या स्फोटात कार्यालयाच्या भिंतींचे मोठे नुकसान झाले आहे.
९०० मेगावॅट क्षमतेचा अरुण-३ हायड्रोइलेक्ट्रिक प्रकल्प २०२० पर्यंत सुरु होण्याची शक्यता आहे. मात्र, पंतप्रधान नरेंद्र मोदी ११ मे रोजी आपल्या नेपाळ दौऱ्यादरम्यान या प्रकल्पाचे शिलान्यास करणार होते. तत्पूर्वीच या प्रकल्प कार्यालयात स्फोट झाला. या घटनेमध्ये कोणतीही जीवित हानी झालेली नाही. तसेच चौकशीचे आदेश देण्यात आले आहेत. दरम्यान, अद्याप या स्फोटाची जबाबदारी कोणीही स्विकारलेली नाही.
अरुण- ३ प्रकल्पासाठी पंतप्रधान नरेंद्र मोदी आणि नेपाळचे पंतप्रधान सुशील कोईराला यांनी २५ नोव्हेंबर २०१४ रोजी या प्रकल्प विकासासाठी करार झाला होता. भारताच्यावतीने सतलज जलविद्युत विभागाने या करारावर स्वाक्षऱ्या केल्या होत्या.
नेपाळमध्ये एका महिन्याच्या आत भारताच्या संपत्तीवर हा दुसरा हल्ला आहे. यापूर्वी १७ एप्रिल रोजी विराटनगरमध्ये भारतीय दुतावासाच्या क्षेत्रिय कार्यालयाजवळ प्रेशर कुकर पद्धतीचा बॉम्बस्फोट झाला होता. यामुळे परिसरातील भिंतींचे मोठे नुकसान झाले होते.
९०० मेगावॅट क्षमतेचा अरुण-३ हा हायड्रोइलेक्ट्रिक प्रकल्प २०२० पर्यंत सुरु होण्याची शक्यता आहे. मोदी ११ मे रोजी नेपाळ दौऱ्यादरम्यान या प्रकल्पाचा शिलान्यास करणार होते.
[संदर्भ : लोकसत्ता ]
अधिक Study Material साठी आजच आमचे टेलिग्राम चॅनेल जॉईन करा » t.me/spardhavahini

थेट विक्री उद्योगात महाराष्ट्र अव्वल स्थानी

भारतातील थेट विक्री उद्योगात 2016-17मध्ये महाराष्ट्र आघाडीवर असून, गुजरात सहाव्या स्थानावर आहे. देशातील थेट विक्री उद्योगात महाराष्ट्राचा वाटा 12.89 टक्के असून, त्यापाठोपाठ पश्‍चिम बंगाल, तमिळनाडू, कर्नाटक आणि उत्तर प्रदेशचा क्रमांक आहे, तर 6.99 टक्के वाटा असलेला गुजरात सहाव्या क्रमांकावर आहे.
भारतीय थेट विक्री उद्योग संघटनेचा (आयडीएसए) 2016-17चा वार्षिक पाहणी अहवाल प्रसिद्ध झाला असून, या उद्योगासमोर वस्तूंची थेट विक्री करणाऱ्या ई-कॉमर्स कंपन्यांनी मोठे आव्हान निर्माण केले असल्याचे त्यात म्हटले आहे.
देशातील थेट विक्री उद्योगात एकट्या पश्‍चिम विभागाचा वाटा 24.6 टक्के आहे. पश्‍चिम विभागातही महाराष्ट्राने (52.3 टक्के) सर्वोत्तम कामगिरी नोंदविली असून, त्यापाठोपाठ गुजरातचा (28.4 टक्के) क्रमांक लागतो. थेट विक्री उद्योगामुळे रोजगाराच्या मोठ्या संधी निर्माण होत असल्याचे अहवालात नमूद करण्यात आले आहे. ऍम्वे, ओरिफ्लेम आणि टपरवेअर अशा कंपन्यांचा या उद्योगात समावेश होतो. या उद्योगामध्ये 2016-17मध्ये दहा हजार 324 कोटी रुपयांची विक्री केली असून, मागील वर्षी ती आठ हजार 308 कोटी रुपये येवढी होती.

भारतातील थेट विक्री उद्योग (राज्यनिहाय टक्केवारी)
महाराष्ट्र : 12.89
प. बंगाल : 9.10
तमिळनाडू : 8.83
कर्नाटक : 7.81
उत्तर प्रदेश : 7.36
गुजरात : 6.99
[संदर्भ : लोकसत्ता ] 
अधिक Study Material साठी आजच आमचे टेलिग्राम चॅनेल जॉईन करा » t.me/spardhavahini